Home / समाचार / प्रदेश नम्बर २मा पmागुन २ गते सभामुखको निर्वाचन, ४ गते उपसभामुखको निर्वाचन हुने

प्रदेश नम्बर २मा पmागुन २ गते सभामुखको निर्वाचन, ४ गते उपसभामुखको निर्वाचन हुने

दूधमती समाचारदाता
जनकपुरधाम, माघ २९ ।
प्रदेश नम्बर २ को प्रदेशसभाको दोस्रो बैठकबाट सभामुख चयनका लागि फागुन २ गते निर्वाचन गर्ने निर्णय गरेको छ ।
आज बसेको प्रदेशसभाको बैठकबाट फागुन २ गते सभामुख चयनका लागि दिउँसो १ बजे निर्वाचन गर्ने निर्णय गरेको हो । सभामुखको निर्वाचन कार्यक्रम अन्तर्गत फागुन १ गते मंगलबार मनोनयन दर्ता गर्ने कार्यतालिका तय गरिएको छ । कार्यतालिका अनुसार मंगलबार बिहान ११ बजेदेखि अपरान्ह ३ बजेसम्म सभामुख निर्वाचनका लागि दर्ता गरिने सहसचिव वंशिराज पौडेलले जानकारी दिएका छन ।
यता प्रदेश सभाको बैठकबाट फागुन ४ गते उपसभामुख चयन गर्ने कार्यक्रम तय गरिएको छ ।
आजको बैठकबाट प्रदेश नम्बर २को मर्यादापालकहरुको नयाँ ड्रेसकोर्ड समेत तय गरिएको छ । प्रदेश सभाको बैठकबाट मर्यादापालकहरुका लागि क्रिम रंगको सफारी शुट, जाडो मौसमभरका लागि सोही रंगको कोट वा ज्याकेट र महिला मर्यादापालकका लागि क्रिम रंको साड़ी र कोट तय गरिएको छ ।
प्रदेशसभाको पहिलो बैठक बस्नुअघि नै सर्वदलीय बैठकमा दलहरु दौरा सुरुवाल लगाउन नपाउने निर्णय गरेपछि मर्यादापालकहरु आफू खुसी ड्रेस लगाएर पुगेका थिए । मर्यादापालकहरुमा एकरुपता ल्याउनका लागि प्रदेशसभाको आजको बैठकबाट मर्यादापालकहरुको ड्रेसकोड तय गरिएको हो । १५ दिनभित्र मर्यादापालकको पोशाकको व्यवस्था गर्न सचिबालयलाई निर्देशन दिइएको छ ।
यसैबिच संघीय समाजवादी फोरम नेपालका ज्ञानेन्द्र यादबको प्रस्तावमा राजपा नेपाल, नेकपा एमाले, नेपाली काँग्रेस, माओवादी केन्द्र, नेपाल संघीय समाजवादी पार्टी र स्वतन्त्र गरी ६ जना प्रदेशसभा सदस्यले समर्थन गरेपछि ११ सदस्यीय नियमावली मस्यौदा समिति गठन गरिएको छ ।
यता प्रदेश नम्बर २ को प्रदेशसभाको दोस्रो बैठक बस्नु अघि मधेश आन्दोलनका शहीदहरुको तस्वीर टाँगिएको छ ।
प्रदेशसभाको पहिलो बैठकमा मधेश आन्दोलनका शहीदको तस्वीर नराखिएको भन्दै मधेशवादी दलहरुले प्रदेशसभाको पहिलो बैठक केही बेर अवरुद्ध पारेका थिए । त्यस लगत्तै सभामुखको भूमिकामा रहेका लगनलाल चौधरीले दोस्रो बैठकबाट मधेश आन्दोलनका शहीदहरुको तस्वीर समेत राख्न रुलिंग गरेका थिए । पहिलो प्रदेशसभा बैठकमा जन आन्दोलनका शहीदहरुको तस्वीर मात्रै राखिएको थियो ।

About Sujeet Jha

Check Also

संविधान बिरोधी आन्दोलन मधेशवादी दल खानापूर्तीका लागि मात्रै गर्दैछन्ः डा. भोगेन्द्र झा, राजनीतिक विश्लेषक

प्र. संविधानको बिरोधका कार्यक्रम मधेशवादी दलहरुले घोषणा गरेका छन् यस सम्बन्धमा तपाई के भन्नु हुन्छ …

Leave a Reply

Your email address will not be published. Required fields are marked *

Facebook Auto Publish Powered By : XYZScripts.com