किन ढिलागरी आयो नेशनल मेडिकल कलेजमा मृत्यु भएका वृद्धको कोरोना रिपोर्ट ?

Byajit@student-partners.com

१२ जेष्ठ २०७७, सोमबार ००:०० १२ जेष्ठ २०७७, सोमबार ००:०० १२ जेष्ठ २०७७, सोमबार ००:००

वीरगन्जस्थित नेशनल मेडिकल कलेजले लापरबाहीपूर्ण ढंगले कोरोनाको आशंकामा स्वाब संकलन गरी परीक्षणकै प्रक्रियामा रहेको बेला हतारहतार परिवारलाई शव जिम्मा लगाएको थियो । मेडिकल कलेजले यसबारे औपचारिक रुपमा केही नबोले पनि स्थानीय प्रशासनले छानबिन सुरु गरिएको बताएको छ ।

किन भयो रिपोर्ट आउन ढिलाई
नारायणी अस्पतालका मेडिकल सुपरिटेन्डेन्ट मदन उपाध्यायले तीन पटकसम्म ती वृद्धको रिपोर्ट शंकास्पद आएको र चौथो पटकमा मात्र पोजेटिभ देखिएको बताए । पटक पटक शंकास्पद देखिँदा एकिन गर्न समय लागेको उनको दावी छ ।

उनको अनुसार जेठ ३ गते संकलन भएको स्वाबको परीक्षण नारायणीको ल्याबमा पहिलो पटक ५ गते शंकास्पद देखिएको थियो । त्यसपछि फेरि ६ गते परीक्षण गर्दा पनि शंकास्पद नै देखियो ।

त्यसपछि आफूहरुले थप परीक्षणका लागि काठमाडौं पठाएको उनको भनाइ छ ।

‘जेठ ७ गते हामीले स्वाब काठमाडौं पठाएका थियौं । त्यहाँ पनि पहिलो परीक्षण शंंकास्पद देखिएपछि दोहोर्याएर परीक्षण गर्दा मात्रै पोजेटिभ पुष्टि गरिएको जानकारी आएको छ ।’ उनले भने ।

यसैगरी पर्साका सहायक प्रमुख जिल्ला अधिकारी ललित कुमार बस्नेतले पनि नारायणीमा शंकास्पद देखिएपछि राष्ट्रिय जनस्वास्थ्य प्रयोगशाला टेकुमा गरिएको परीक्षणमा ती वृद्धमा कोरोनाभाइरस संक्रमण पुष्टि बताए ।
‘उहाँको नेशनल मेडिकल कलेजमा मृत्यु भएको थियो । उहाँमा कोरोना संक्रमण भएको आशंकामा स्वाब संकलन भएकोमा पोजेटिभ रिपोर्ट प्राप्त भएको छ’ उनले रातोपाटीसँग भने, ‘उहाँ बाराको कलैया उपमहानगरपालिका वडा नम्बर ७ निवासी भएको खुल्न आएको छ।’

यो पनि पढ्नु होस्

corona

corona update